Pôa Tô Lâm, Kăn xiâm pơkuâ hnê ngăn Đảng tối Việt Nam ngăn nhoăm Singapore ôh tá xê tơdjuôm to môi toăng hngêi ASEAN, mê ối cho kong têa tơrŭm cheăng ki kal, rơtế ƀă dêi pó tung mơnhông ƀă tơrŭm cheăng lâp plâi tơnêi dêi Việt Nam.

Khên kơdeăn mâu tơdroăng kal ki péa pâ hiăng tơpui châ rơhéa a mâu rôh hôp tơpui tơno ƀă mâu kăn xiâm Singapore tung rôh lăm pôu kong têa Singapơre xuân môi tiah tơdroăng ki péa pâ pơtối kĭ tơhrâ tơ’nôm hên tơdroăng tơrŭm cheăng ki nếo bú péa măng tĭng klêi kơ’nâi rôh lăm pôu dêi kăn xiâm pơkuâ kong têa pơkâ thế péa pâ rĕng pơtối tơrŭm cheăng tung tŭm tơdroăng pơla péa tơnêi têa ing mâu tơdroăng kĭ tơhrâ tơdroăng Pêi pro tơbleăng tơrŭm cheăng tung tŭm tơdroăng pơla hơnăm 2025-2030.

Péa ngế kăn pơkuâ hnê ngăn Đảng môi tuăn pro trâu tâ tơrŭm tâ nếo pơla péa Đảng ki pơkuâ, pơtối rak tơrŭm cheăng dêi kăn ƀô̆ tăng ‘nâi plĕng mơjiâng luât tơpui tơno đi đo vâ mơdêk hlê plĕng dêi rơpó, tối ăm dêi rơpó ‘nâi mâu tơdroăng ki tơná hlê pêi pro mơnhông tơnêi têa tung la ngiâ.