Pôa Tô Lâm, Kăn xiâm pơkuâ hnê ngăn Đảng mơnhên ƀă kheăn kơdeăn tơdroăng ki rơtế, tŏng gum hên ki Chin phuh Singapore hiăng ăm Việt Nam sap ing pơxiâm roh tơpui tơno nếo ƀă mot tơrŭm lâp plâi tơnêi; mơnhên Việt Nam hiăng nhuô̆m ƀă pói vâ mơdêk tơrŭm cheăng ton xŏn ƀă Singapore mơnhông rế hía rế ó rơdêi, prôk trâu hơngế, păng ‘nâng, châ tơƀrê.

Pôa Tô Lâm, Kăn xiâm pơkuâ hnê ngăn Đảng pơkâ thế péa tơnêi têa thăm mơdêk tâ mê nếo loi tơngah kal kí ing mâu roh trâm mâ, tơpui tơno khu râ kăn xiâm ƀă mâu râ; mơdêk tơrŭm cheăng pơla Đảng Kŏng san Việt Nam ƀă Đảng Hành động Nhân yân; tối mâu kơ koan ki tơdjâk péa tơnêi têa kal pơtối tơrŭm krá tơniăn vâ mơjiâng troăng pêi cheăng ton xŏn ƀă pơkâ pêi tơrŭm tung mâu kơvâ pơhlêh xúa kŏng ngê̆, on tơhrik ki vêh pro vâ pro pơhlêh nếo ó rơdêi, tơxâng pơkâ ƀă tơdroăng mơnhông tung rơxông nếo; tơdrêng amê thăm tơrŭm gâk kring tơnêi têa, gâk kring tơniăn.