A roh hôp tơpui tơno, Kăn xiâm pơkuâ kong têa Singapre tối rơdêi roh lăm pôu pêi cheăng păng ‘nâng đêi Kăn xiâm pơkuâ hnê ngăn Đảng troh a kong têa Singapore cho tơdroăng ki kơnâ ki kal, ƀă tơdroăng mơdêk tơrŭm cheăng to Khu tơrŭm cheăng ton xŏn tâi tâng, kum po môi tơdroăng nếo tung tơrŭm cheăng pơla péa pâ drêng ai kơnâ kal khât dêi péa tơnêi têa, mơjiâng tơdroăng ki hâk vâ nếo ăm kuăn pơlê ƀă khu tê mơdró péa tơnêi têa.

Vêh tối ‘na tơdroăng ki mơnhông mơdêk rĕng dêi Việt Nam, Kăn xiâm pơkuâ kong têa Singapore tối loi tơngah Việt Nam kô rak tíu cho môi tung mâu kong têa ki ƀeăn ƀĕng má môi kơpong, ƀă kơlo tơtêk GDP hôm má môi, tíu mơ’no liăn cheăng hôm ƀă tíu ối tung lâp plâi tơnêi đi đo châ mơdêk.

Kăn xiâm pơkuâ hnê ngăn Đảng môi tuăn ƀă mâu rơkong tơpui tối dêi Kăn xiâm pơkuâ kong têa Singapore ‘na tơdroăng péa tơnêi têa thăm tơrŭm môi tuăn, tơrŭm ƀă dêi pó ƀă mâu kong têa ASEAN vâ mơdêk ivá, mơ-eăm xêh, hbrâ xêh ƀă mâu pơloăng mơnúa pakong.