Xông tơpui a Hneăng hôp, pôa Tô Lâm, Kăn xiâm pơkuâ hnê ngăn Đảng mơnhên, kheăn kơdeăn tơdroăng phiu ro, mơ-eăm, hiâm mơno djâ troăng ahdrối, prôk hdrối ƀă mâu tơdroăng châ tơƀrê châ Đảng ủy Kŏng an Tơnêi têa, Khu xiâm Kŏng an tung hơnăm 2024.

Tơdrêng amê tơtrŏng, tối nhên 3 tơdroăng xiâm kal tơkŭm tung pơkuâ, hnê mơhno tung la ngiâ: Môi cho, Kŏng an thế mơjiâng nhên pơkâ pêi ki klâi tung rơxông nếo, rơxông ki tơtêk dêi tơná dêi hdroâng mơngế pin, thế pâ trâu ƀă pêi pro khŏm chiâng rơkong pơchân tối dêi Pôa Hồ Chí Minh ‘’Kŏng an ai pơkâ pêi. Kŏng an ôh tá chiâng prôk kơ’nâi kơmăi kơmok, pêi chiâk deăng, tê mơdró, troăng prôk rơxế kơtâu pơto mơngế, tơmeăm khoăng. Tro lĕm má môi Kŏng an kơteăng prôk hdrối’’.

Pôa Tô Lâm, Kăn xiâm pơkuâ hnê ngăn Đảng loi tơngah khât, ƀă khôi vâi krâ nah tơrŭm môi tuăn, khŏm mơ-eăm, khên tơnôu krá tơniăn ƀă hiâm mơno khên tơmiât, khên tơpui, khên pêi, khên pôu râng hnoăng cheăng, mâu kăn pơkuâ thế kêi đeăng rơkê păng ‘nâng tơdroăng pêi cheăng hơnăm 2025; tơ’noăng châ hên tơdroăng châ tơƀrê, ai hnoăng koh phiu ro mâu hâi leh, tơbâ kân dêi tơnêi têa tung hơnăm 2025 ƀă 80 hơnăm Hâi mơjiâng Kŏng an Kuăn pơlê Việt Nam.