VOV4.Xơ Đăng - Kơxê lơ 22/4, Đăi tươ̆ng Tô Lâm, Ngế cheăng tung tíu xiâm kal kí, Kăn xiâm ngăn Kŏng an hiăng pơkuâ po rôh hôp má péa Khu hnê mơhno cheăng mơgêi tơdroăng pơkâ Tơnêi têa má 8, hneăng má 11 ‘na Tơdroăng cheăng tung la ngiâ rak vế Tơnêi têa tung hơ’lêh nếo dêi Khu xiâm ngăn Kŏng an. Tơpui a rôh hôp, pôa Tô Lâm mơnhên tối khât tơdroăng ki kơhnâ, mơ-eăm dêi mâu vâi pú ki cheăng tung Khu hnê mơhno, malối cho mâu Khu hnê mơhno tung pơla hdrối kố nah hiăng kơhnâ, pêi pro rĕng ƀă chêh pro klêi mâu hlá mơ-éa ki kal vâ hnê mơhno Kŏng an mâu tíu pêi cheăng, kong pơlê pêi pro.

Pôa Tô Lâm, Kăn xiâm Ko\ng an tơpui tung hâi hôp

‘Na tơdroăng ki xiâm dêi rôh hôp mơgêi, pôa Tô Lâm pơkâ thế kal tơkŭm mơnhên tối tơdroăng cheăng kal kí, cheăng kâ dêi kong têa ê; mâu tơdroăng ki mơni kô ôh tá mơhúa, pơloăng mơnúa mơnhâu troh tơdroăng gak kring tơnêi têa dêi Việt Nam, pêi pro nhên tung 10 hơnăm hdrối nah khu Kŏng an kuăn pơlê hiăng pơkâ tơleăng mâu tơdroăng klâi, mâu tơdroăng klâi ki tá hâi pơkâ tơleăng; klêi kơ’nâi pêi pro mâu túa tơmiât, túa pơkâ, hnoăng cheăng, troăng hơlâ dêi Tơdroăng pơkâ Tơnêi têa 8, hneăng má 11.

Katarina Nga tơplôu [ă tơbleăng