Klêi kơ’nâi leh tơdah, pôa Tô Lâm rơtế Ngế xiâm pơkuâ kan sát kong têa Rusi tơkŭm tơpui tơno. Pôa Tô Lâm mơnhên, tơrŭm cheăng pơla Khu xiâm pơkuâ Kŏng an Việt Nam ƀă Khu xiâm pơkuâ kan sát kong têa Rusi ai mâu troăng mơnhông mơdêk tơƀrê tung mâu kơvâ cheăng.

A roh hôp tơpui tơno, péa pâ hiăng môi tuăn pêi pro châ tơƀrê “Tơdroăng tơrŭm rơtế pêi pơla Khu xiâm pơkuâ Kŏng an Việt Nam ƀă Khu xiâm pơkuâ kan sát kong têa Rusi hneăng hơnăm 2022 – 2024’’ kĭ a khế 5/2022; Pơtối tơpui tơno tơdroăng mâu ngế xôi, séa ngăn, pơxâu phâk mâu roh ki tơdjâk troh péa pâ.

Péa pâ hriăn plĕng ivá mơjiâng troăng tơrŭm tung tơdroăng tŏng kum ngế tê mơdró, hok tro rêh ối a kong têa ê ƀă kuăn pơlê dêi kong têa kố pêi cheăng, hriâm tâp ƀă pêi cheăng kâ a kong têa ki tá, tơniăn hnoăng, ki pơxúa tro luât dêi kuăn pơlê péa tơnêi têa, xuân môi tiah hbrâ mơdât mâu tơdroăng mâu ngế xôi, xôi luât, ‘nhê gâk kring tơnêi têa dêi Việt Nam ƀă kong têa Rusi.