VOV4.Xơ Đăng - Kơxê lơ 27/4, a Hà Nội, Đăi tươ̆ng Tô Lâm, Ngế xiâm Kŏng an, hiăng tơdah pôa Gunnar Wiegand, Ngế xiâm pơkuâ châu Á - Thái Bình Dương, Kơ koan tơpui kâ xiâm châu Âu ai rôh lăm pôu, pêi cheăng a Việt Nam. Tơbleăng a rôh tơdah, pôa Tô Lâm pơkâ thế, tung la ngiâ, Khu tơrŭm châu Au (EU) pơtối tơbleăng túa hmâ pêi cheăng ‘na kring tơniăn tung măng ƀă mâu tíu pêi cheăng tôí ăm ‘nâi mâu tơdroăng kal, túa rak ngăn tơdroăng chêh ‘măn tung kơmăi ki tơkâ luâ tơkăng kong, luât pơkâ rak vế tơdroăng chêh ‘măn tung kơmăi tung mâu tơdroăng cheăng ki kal; mơdêk tơpui tơno, hnê tối tơdroăng pêi pro, veăng mơjiâng pê klêi luât tơnêi têa ‘na kring tơniăn tung măng, hnoăng pơkuâ dêi tơnêi têa tung măng, tơplâ tung măng.

Pôa Gunnar Wiegand tối nhên, tơrŭm pơla EU - Việt Nam dế mơnhông tơƀrê ôh tá xê pơtê to a cheăng kâ, tê mơdró, ‘no liăn cheăng mê ối tơrŭm ‘na tơdroăng kal kí, tơpui tơno ‘na kring tơniăn, mâu ngế ki rơkê.

Gương tơplôu ƀă tơbleăng