Đại tướng Tô Lâm, Ngế cheăng tung khu xiâm kal kí, Ngế xiâm kŏng an, Ngế xiâm phŏ pơkuâ hnê mơhno tơniăn, kring tơniăn tung măng tơnêi têa, tối tơbleăng hnê mơhno. Tối tơbleăng a hneăng hôp kân, pôa Tô Lâm pơkâ thế, Khu kring vế tơniăn tung măng tơnêi têa ƀă mâu kong têa tung khu kal hlê plĕng, troăng rơhlâ hnê mơhno dêi Đảng, Tơnêi ‘na kring vế tơniăn tung măng tung mâu hơnăm hdrối.

Pakĭng thế tối nhên tâi tâng tơdroăng rêh ối, tơdroăng cheăng pêi rêm hâi, ối thế séa ngăn mâu tơdroăng, pơkâ, hnoăng cheăng, troăng rơhlâ ki kal xiâm kal kí, Kăn hnê ngăn Đảng tung mâu pơkâ ki tơdjâk troh. Pôa Tô Lâm loi tiah kố, troăng rơhlâ pêi pro nhên khât, khoa hok, khu tơrŭm cheăng môi tuăn, rơtế ivá, môi hiâm mơno, mơ-eăm pê klêi mâu pơkâ Hneăng hôp kân tung lâp tơnêi têa rôh má 1 (hơnăm 2023-2028) hiăng pơkâ, ai mâu troăng rơhlâ veăng ‘no, pêi tơƀrê a tơdroăng cheăng mơnhông rĕng, krá tơniăn cheăng kâ, rêh ối pơlê pơla tơnêi têa, veăng ‘no hnoăng kring vế ki pơxúa ƀă hnoăng pơkuâ dêi tơnêi têa tung măng.