Pôa Viên Gia Quân, Kăn hnê ngăn Đảng pơlê kong kân Trùng Khánh tối phiu ro châ tơdah pôa Tô Lâm, Ngế xiâm ƀă mâu Kăn xiâm dêi Khu xiâm kŏng an Việt Nam lăm pôu Trùng Khánh.  Pôa Tô Lâm tối ăm ‘nâi, hơnăm 2015, Ƀơrô Mơhnhôk cheăng tê mơdró ki apoăng dêi Việt Nam hiăng pro a Trùng Khánh.

Pôa Tô Lâm pâ thế péa pâ pơtối mơdêk tơrŭm cheăng, mơdêk pêi tơƀrê mâu tơdroăng cheăng kâ, tê mơdró. Nôkố Kŏng an pơlê kong kân Trùng Khánh ƀă Kŏng an mâu kong pơlê dêi Việt Nam hiăng pêi hên tơdroăng tơrŭm cheăng ƀă pêi châ tơƀrê tung mâu tơdroăng cheăng châ tơƀrê tung tŭm tơdroăng.

Pôa Tô Lâm, Ngế xiâm Kŏng an tối púi vâ pâ thế kăn hnê ngăn pơlê kong kân Trùng Khánh pơtối pro tơ’lêi hlâu ăm kơ koan pêi cheăng tro tiô luât mơdêk tơrŭm ƀă Kŏng an mâu tíu pêi cheăng, kong pơlê dêi Việt Nam.