VOV4.Xơ Đăng - Kơxê lơ 2/6, a Hà Nội, Đăi tươ̆ng Tô Lâm, ngế xiâm ngăn Kŏng an hiăng tơdah pôa Shawn Perry Steil, kăn teăng mâ pơkuâ hnoăng cheăng Canada a Việt Nam, troh koh hmât drêng pơxiâm pêi dêi hnoăng cheăng a Việt Nam. Rơkâu pôa Shawn Perry Steil xo pêi dêi hnoăng cheăng ki nếo a Việt Nam, pôa Tô Lâm ăm ‘nâi, tơrŭm cheăng Việt Nam – Canada pơtối mơnhông tơniăn, ai pơxúa, pêi châ hên mâu tơdroăng tung tâi tâng mâu kơvâ cheăng kal kí, tơpui tơno, tê mơdró, ‘no liăn cheăng, tơrŭm mơnhông, gâk kring pơlê pơla, mơhno túa lĕm tro, hnê hriâm, khoa hok kong ngê̆, trâm mâ kuăn pơlê.

Pôa Tô Lâm, ngế xiâm ngăn Kŏng an tơdah kăn teăng mâ Canada a Việt Nam

Pôa Tô Lâm pơkâ thế, tung la ngiâ, kăn teăng mâ tơmâng ngăn mơdêk tơrŭm cheăng pơla Khu xiâm ngăn Kŏng an Việt Nam ƀă Khu xiâm gâk kring Canada, Kăn sat Pơtáu Canada ƀă mâu tơdroăng tơrŭm cheăng péa pâ ƀă hên kơvâ cheăng vâ tối tơbleăng ăm dêi rơpó mâu tơdroăng kal tung hnoăng cheăng hbrâ mơdât mâu ngế pro xôi tơkâ luâ tơnêi têa, séa ngăn, pơxâu phâk mâu ngế ki pro xôi.

Katarina Nga tơplôu ƀă tơbleăng