Koh hâk mơnê kơ mâu kăn troh lăm pôu, pêi cheăng a Việt Nam, pôa Tô Lâm - Ngế xiâm ngăn Kŏng an khĕn kơdeăn tơdroăng cheăng pêi dêi Kơ koan Kăn sát têa kơxĭ Hàn Quốc veăng kum mâu plong tuk lăm séa ngăn ăm Khu xiâm Kŏng an Việt Nam, pôa Tô Lâm tối kô cho mơhno hdró ki kal tung mơnhông tơrŭm cheăng dêi péa kơ koan pêi cheăng ai pơxúa khât, tơtro ƀă tơmeăm ai hlâu, tơdroăng kal vâ dêi péa pâ ƀă tơdroăng ki péa pâ rơhêng vâ ‘nâi plĕng, pêi pro tơdroăng tơbleăng tơrŭm cheăng tung tŭm tơdroăng dêi péa tơnêi têa.

Pôa xiâm pơkuâ ngăn Kăn sát tối, Kơ koan Kan sát têa kơxĭ Hàn Quốc kô veăng kum tơkŭm po hnê hriâm tâp, hnê mơdêk rơkê tơdroăng cheăng pêi ăm Kan sát ngăn troăng prôk a troăng têa, Khu xiâm kŏng an Việt Nam vâ pro xiâm lăm séa ngăn xua Kan sát têa kơxĭ Hàn Quốc tŏng kum.