VOV4.Xơ Đăng - Kơxê lơ 16/6, pôa Tô Lâm, Ngế xiâm pơkuâ Kŏng an tơdah pôa Nadav Eshcar, Kăn teăng mâ kong têa Israel a Việt Nam, troh koh pơlâng klăng roh mơgêi hneăng cheăng pêi cheăng a Việt Nam. A roh tơdah, pôa Tô Lâm, Ngế xiâm pơkuâ Kŏng an rơkâu Kăn teăng mâ hiăng mơgêi hneăng pêi cheăng a Việt Nam châ tơƀrê lĕm, kum kal khât tung tơdroăng thăm mơnhông tơrŭm cheăng pơla péa tơnêi têa tối tơdjuôm ƀă pơla Khu xiâm pơkuâ Kŏng an Việt Nam ƀă mâu kơ koan tơrŭm cheăng Tơnêi têa Israel tối krê.

Pôa Nadav Eshcar mơnê Khu xiâm pơkuâ Kŏng an Việt Nam ƀă pôa Tô Lâm hiăng ai tuăn pâ lĕm má môi ăm kong têa Israel ƀă ăm krê pôa tung hneăng pêi cheăng a Việt Nam, rơkâu tơrŭm cheăng Israel – Việt Nam rế hía rế mơnhông mơdêk, châ tơƀrê lĕm má môi tung mâu kơvâ cheăng.

A Sa Ly tơplôu ƀă tơbleăng