VOV4.Xơ Đăng - Kơxê lơ 7/7, a Hà Nội, Đăi tươ̆ng Tô Lâm, Ngế xiâm ngăn Kŏng an tơdah Trung tươ̆ng Vanthong Kongmany, Kăn cheăng tung Tíu xiâm Đảng, Ngế xiâm pơkuâ Kŏng an kong têa Lếo klăng roh lăm pôu ƀă pêi cheăng a Việt Nam. A roh tơdah, pôa Tô Lâm tối ăm ‘nâi, mơhé péa tơnêi têa ối trâm hên pá puât drêng ai tơdroăng tâ tú dêi pơreăng COVID-19, laga tơrŭm ki má môi, tơrŭm tŭm têk pơla péa tơnêi têa Việt Nam – Lếo tối tơdjuôm, pơla Khu xiâm pơkuâ Kŏng an Việt Nam – Khu xiâm pơkuâ kong an Lếo tối krê xuân đi đo châ mơnhông mơdêk, prôk trâu hơngế, châ tơƀrê păng ‘nâng.

Péa pâ hiăng pơtối pêi pro pơkâ tơrŭm cheăng tung tơniăn gak kring tơniăn tơnêi têa, tơniăn pơlê pơla; tơrŭm pêi pro mâu pơkâ tơniăn gâk kring ăm mâu tơdroăng ki kal, mâu roh lăm pôu, pêi cheăng dêi khu râ kăn pơkuâ péa tơnêi têa ƀă hía hé.

A Sa Ly tơplôu ƀă tơbleăng