VOV4.Xơ Đăng - Kơxê lơ 8/4, a Hà Nội, Đăi tươ̆ng Tô Lâm, Ngế cheăng tung tíu xiâm kal kí, kăn xiâm ngăn Kŏng an hiăng tơdah Trung tă Pedro Soca Pascual, kăn teăng mâ Khu xiâm ngăn kan sat Cuba a Việt Nam. Tơpui a rôh tơdah, pôa Tô Lâm tối nhên, tung pơla hdrối nah, maluâ pơreăng COVID-19 tơdjâk ôh tá iâ troh tơdroăng, túa pơkâ tơrŭm cheăng dêi péa khu xiâm la péa pâ hiăng mơ-eăm ‘mâi mơnhông xơpá vâ tơbleăng tơƀrê mâu tơdroăng cheăng ki kal tiô tơdroăng ki ‘no tơdrêng ing troăng hyôh Internet ƀă mơ’no tơdrêng ing hyôh um tơvi.

Pôa Tô Lâm mơnhên tối khât klêi kơ’nâi tơrŭm cheăng trâu hngế tâ pơla péa khu xiâm, pôa Tô Lâm pơkâ thế péa khu xiâm pơtối pêi pro châ tơƀrê mâu tơdroăng ki kal tơrŭm cheăng tung tơkêa tơrŭm cheăng pơla Khu xiâm ngăn Kŏng an Việt Nam ƀă Khu xiâm ngăn Kăn sat Cuba kĭ a khế 11/2017.

Katarina Nga tơplôu [ă tơbleăng