Pôa Trần Cẩm Tú tơpui ƀă pôa Liệu Lạc Tế, ngế cheăng tung pơkuâ Kuô̆k hô̆i Sinuâ
Thứ tư, 06:00, 08/11/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Pơtối rôh pôu ƀă pêi cheăng a Sinuâ, hâi lơ 7/11, a Đại lễ đường nhân dân Bắc Kinh, pôa Triệu Lạc Tế, Ngế cheăng tung khu xiâm pơkuâ tơdroăng kal kí, Ngế cheăng tung Vi ƀan pơkuâ Hneăng hôp kân kuăn pơlê lâp tơnêi têa (tơkéa vâ tối cho Kuô̆k hô̆i) Sinuâ hiăng tơpui tơno ƀă pôa Trần Cẩm Tú, Ngế cheăng tung Khu xiâm pơkuâ tơdroăng kal kí, Kăn pơkuâ ngăn Tíu xiâm Đảng, Kăn pơkuâ Vi ƀan séa ngăn Tơnêi têa ƀă Khu kăn Đảng Kŏng san Việt Nam.
A rôh tơpui tơno pôa Trần Cẩm Tú tối nhên, péa tơnêi têa Việt Nam ƀă Sinuâ cho tơnêi têa ki a chê dêi rơpó, ai hên tơdroăng ki môi tiah ‘na mơhno túa lĕm tro, ai khôi hmâ tơrŭm tơroâ ton xŏn, cho péa tơnêi têa xah hô̆i chuh ngiah xua Đảng Kŏng san pơkuâ. Đảng, Tơnêi têa ƀă Kuăn pơlê Việt Nam đi đo ngăn nhuô̆m tơrŭm cheăng ƀă Sinuâ cho rah xo tơnêi têa tơrŭm cheăng tung la ngiâ, kơjo kum xiâm tung troăng hơlâ tơpui kâ dêi Việt Nam.
Pôa Triệu Lạc Tế tối nhên, Đảng, Chin phuh Sinuâ ngăn Việt Nam cho troăng kơjo kum tung inâi tơpui kâ tơnêi têa ki a chê, tơngah rôh lăm pôu kố kô veăng kum kal khât tung tơdroăng ki pơtối pêi pro hơ’lêh ƀă pêi pro ki hlê plĕng tơdjuôm pơla péa ngế kăn xiâm pơkuâ hnê ngăn Đảng dêi péa tơnêi têa.
Viết bình luận