A rôh trâm mâ, lăm pôu hbru tơmeăm Têt ăm 400 rơpŏng ai hnoăng tơnêi têa, rơpŏng kơtiê ƀă mâu kŏng nhân, mơngế pêi cheăng ki kơtiê xơpá, Ngế pro xiâm phŏ hnê ngăn tơnêi têa lăm pôu rơkâu, mâu ngế, rêm hngêi ai môi rơnó têt tơtô, hơniâp ro, ai tŭm tơmeăm.

Ngế pro xiâm phŏ hnê ngăn tơnêi têa tối, Chin phuh kô tơkŭm  tơbleăng tơdâng mâu troăng hơlâ kơdroh kơtiê krá tơniăn, pro tơniăn kơlo rêh ối ƀă mâu tơdroăng cheăng ki kal pơlê pơla, tơmâng tơdroăng rêh ối tơƀrê dêi kuăn pơlê; kơjo kum mơnhông pêi chiâk, tơniăn rêh ối ton hơnăm ăm rơpŏng kơtiê.

Ngế pro xiâm phŏ hnê ngăn tơnêi têa pơkâ thế mâu khu xiâm, kơvâ cheăng, pơtối tơbleăng mâu troăng hơlâ, luât pơkâ ‘na xăm kơtiê, malối 3 tơdroăng pơkâ dêi tơnêi têa; mơ-eăm pro klêi ki iâ dâng 100.000 toăng hngêi ăm mâu ngế kơtiê, kŏng nhân kơtiê xơpá tung hơnăm 2025.