Mơnhên tối tơdroăng ki châi vâi loi tơngah, ivá dêi Grup pơkuâ Ô tô Geely Auto a Sinuâ ƀă lối 50 to kong têa tung lâp plâi tơnêi, Ngế pro xiâm phŏ hnê ngăn tơnêi têa rơhêng vâ tơdroăng tơrŭm cheăng ‘no liăn pêi cheăng dêi Grup pơkuâ a Việt Nam kô châ tơƀrê.

Tơpui tơno ‘na mâu túa tơmiât ki kal tung troăng hơlâ mơjiâng pro troăng prôk a Việt Nam, Ngế pro xiâm phŏ hnê ngăn tơnêi têa púi vâ tơdroăng tơkêa ‘no liăn pêi cheăng dêi Ô tô Geely Auto a Việt Nam kal châ rĕng tơbleăng, tŭm têk ing hriăn ngăn, mơjiâng pro, mơnhông, pơcháu, kơmăi kơmok, hnê mâu ngế cheăng; tơdrêng amê hlối tơmâng ngăn troh tơdroăng rêh ối liăn ngân, tuăn mơno hnê hriâ, ngăn pơkeăng ăm mâu ngế pêi cheăng.