A rôh tơdah, Ngế pro xiâm phŏ hnê ngăn tơnêi têa mơnhên tối khât ƀă pơtroh rơkong mơnê Astra Zeneca hiăng ai mâu tơdroăng ki tŏng kum kơnía git, teăm tơdrêng ăm Việt Nam tung hbrâ mơdât pơreăng COVID-19, veăng kum tung tơdroăng ki hbrâ mơdât pơreăng tung lâp plâi tơnêi.

Tơpui ‘na tơdroăng tơkêa pêt 22,5 rơtuh xiâm loăng ngiât dêi Astra Zeneca, Ngế pro xiâm phŏ hnê ngăn tơnêi têa rơhêng vâ Astra Zeneca veăng tung mâu tơdroăng tơkêa pêi pro Net.Zero, JET a Việt Nam cho tơdroăng pơkâ tíu, mơnúa ăm troăng hơlâ lâp plâi tơnêi.

Ngế pro xiâm phŏ hnê ngăn tơnêi têa xuân hiăng tơpui ‘na mâu tơdroăng ki pâ thế dêi grup pơkuâ Astra Zeneca tơdjâk troh tơdroăng ki hơ’lêh tơniăn pơkâ dêi Việt Nam ƀă mâu tơdroăng pơkâ ƀă tơdroăng ki ai khât lâp plâi tơnêi tung bro, mơnúa ngăn, hbru hlá mơ-éa phêp xúa pơkeăng, trếo pơkeăng, pơkuâ ngăn kơlo carbon kong.