A roh tơdah, pôa Trần Hồng Hà hiăng tơpui ƀă yăo sư David Rogers ‘na mâu pơloăng mơnúa tung tơdroăng pơhlêh trâu hơhngế dêi tơdroăng cheăng kâ – rêh ối pơlê pơla lâp plâi tơnêi, ing troăng pêi cheăng kâ ton, ôh tá krá tơniăn drêng kơnôm a kế tơmeăm khoăng ki ai, mơngế pêi cheăng ki hriâm kŭn troh tơdroăng cheăng kâ krúa lĕm kong prâi, các-bon iâ, on tơhrik ki vêh pro.

Krê kơvâ pơhlêh pêi cheăng xúa kŏng nghê̆, Ngế pro xiâm phŏ hnê ngăn tơnêi têa mơnhên Chin phuh Việt Nam kô djâ troăng ahdrối ƀă cho tơmối ki kân ăm mâu khu tê mơdró xúa kŏng nghê̆. Pơhlêh xúa kŏng nghê̆ bu châ tơƀrê drêng kuăn pơlê xúa ƀă châ pơxúa ing pơlê pơla xúa kŏng nghê̆, cheăng kâ xúa kŏng nghê̆.

Pakĭng mê, kal tơmâng troh tơdroăng mơjiâng tơdroăng ki pơkâ tro, kơnâ khôi túa lĕm tro, hiêm mơno lĕm, tơpui kâ, kring tơniăn tung troăng măng, tíu ki ôh tá ai khât môi tiah angâ, ‘’ ‘mông ‘mốu’’ dêi tíu ki khât laga pá hên tâ hên xôh.