Tối nhên grup Walmart hiăng pêi hên tơdroăng ‘no liăn cheăng, tê mơdró a Việt Nam, malối mơjiâng mâu tíu tê mơdró tơmeăm vâ tê ăm kong têa ê, pôa Avaneesh Gupta tối, mâu luât pơkâ kơxo tŏng kum dêi Chin phuh Việt Nam hiăng pro tơ ‘lêi hlâu  vâ Walmart mơjiâng, vâ tơniăn tung pêi cheăng, mung hdrối mâu tơmeăm a Việt Nam vâ tê mâu tơmeăm ăm kong têa ê môi tiah tơmeăm pơchoh hmân ếo, tơmeăm xúa, kế kâ.

Khê̆n kơdeăn tơdroăng cheăng dêi Walmart, tung lâp plâi tơnêi, pôa Trần Hồng Hà ăm ‘nâi ƀă ki ai hlâu ‘na mơngế pêi cheăng, tơmeăm khoăng, ki tơniăn kal kí- rếh ôi, Việt Nam hiăng chiâng môi tung mâu kong têa  ki pêi pro, tê kế tơmeăm ăm kong têa ê ki kân má môi tung lâp plâi tơnêi.