Xông tơpui a leh pơxiâm po, pôa Trần Lưu Quang, Ngế pro xiâm phŏ hnê ngăn Chin phuh kheăn kơdeăn hnoăng ki kal dêi Kơchơ mơđah tơbleăng kế tơmeăm khoăng Sinuâ – Peăng hdroh Châu Á ƀă Kơchơ mơđah tơbleăng tơmeăm tê rôe ngi kong têa ê Côn Minh tung tơdroăng tơkŭm po pơlê pơla khu tê mơdró peăng mâ hâi lo pá hdroh châu Á, peăng hdroh Châu Á ti tăng roh tơ’lêi hlâu tơrŭm mơ’no liăn cheăng, thăm tơpui tơno tê mơdró, mơdêk pêt mơjiâng tơmeăm, tê mơdró, tah lôi mâu tơdroăng pá puât, chôa ‘lâng rak tơniăn cheăng kâ klêi kơ’nâi pơreăng kân COVID-19.

Ngế pro xiâm phŏ hnê ngăn tơnêi têa kheăn kơdeăn hnoăng dêi kong pơlê Vân Nam tung tơrŭm cheăng ƀă Việt Nam ƀă mâu kong têa ASEAN, ƀă mâu troăng pơkâ tơrŭm cheăng ki ai hlâu, pơkâ thế Chin phuh Sinuâ ƀă Khu râ kăn pơkuâ kong pơlê Vân Nam pơtối tơmâng, thăm mơdêk tơrŭm tŭm túa, tơdjêp trâu hơngế ‘na cheăng kâ tê mơdró, ôm hyô pơla kong pơlê Vân Nam ƀă mâu kong pơlê Việt Nam.