9 khế hdrối, tơdroăng ‘na rak tơniăn troăng prôk pơtối hlo hên pơ’lêh tâng vâ pơchông ƀă hơnăm 2022; tơklâm rơxế pơtối kơdroh. Lâp tơnêi têa hiăng ai lối 8 rơpâu 300 hdroh tơklâm rơxế drô troăng, xăm 124 ngế hlâ tâng vâ pơchông ƀă hơnăm nah. Kơxô̆ pro hâ, chôm troăng prôk drô troăng kân a mâu rôh hên rơxế kơtâu, hâi leh, hâi têt xăm hên tâng vâ pơchông ƀă hơnăm 2022.

A rôh pêi cheăng, pôa Trần Lưu Quang tối pơkâ sap tung pái khế mơ’nui hơnăm kal thế xăm kơxô̆ tơklâm rơxế drô troăng prôk sap 5 -10%  tŭm a 3 tơdroăng pơklâ; tơkâ luâ tơdroăng pro hâ ho troăng prôk xiâm, a mâu tíu tơdjêp, hơlâ troăng ki xiâm, mâu kơphô̆ kân ƀă pôi tá ăm ai tơdroăng chôm ton a troăng prôk.

Tiô Ngế pro xiâm phŏ hnê ngăn tơnêi têa, tơdroăng pơxâu phâk  ƀă mâu ngế ki pro xôi drô troăng prôk hiăng pơtối pêi pơxúa, hlối thế mâu khu xiâm, kơvâ cheăng, kong pơlê tơkŭm pêi 8 khu tơdroăng cheăng ki kal hiăng pơkâ rak tơniăn troăng prôk.