A roh tơdah, péa pâ prôk trâu hơngế tơpui tơno ‘na tơdroăng pêi pro mâu tơdroăng tơkêa bro ODA a Việt Nam, pôa Trần Lưu Quang mơnhên Chin phuh Việt Nam dế mơ-eăm tâi ivá tah lôi mâu tơdroăng pá puât, tơvâ tơvân vâ thăm mơdêk mâu tơdroăng tơkêa bro kố, pơkâ thế peăng kong têa Nhuk xing xoăng ăm ODA ăm mâu tơdroăng tơkêa bro troăng rơxế, hơ’lêh pêi cheăng xúa kŏng ngê̆, hơ’lêh pêi cheăng krúa lĕm kong prâi ƀă hbrâ ví kong prâi hơ’lêh a Việt Nam.

Kăn xiâm phŏ hnê ngăn JICA tối tơbleăng ƀă pôa Trần Lưu Quang ‘na mơnhên troăng prôk la ngiâ tŏng kum ODA rơxông nếo ăm Việt Nam tung la ngiâ, tá mâu kơxô̆ liăn ăm mung hbrâ drêng ai tơdroăng ôh tá tơniăn khăm pơlât pơlê pơla, kong prâi pro ôh tá tơniăn, tŏng kum mâu kơxô̆ liăn mung ing mơngế ối tung dế ƀă tŏng kum kơxô̆ liăn khu pơkuâ vâ kơpong krê pêi pro mâu tơdroăng tơkêa bro hngêi trăng, troăng klông.