Tối tơbleăng ƀă khu kăn lăm pêi cheăng, kăn teăng mâ hnê ngăn Đảng kong pơlê Sóc Trăng ăm ‘nâi, sap apoăng hneăng 2021-2025 troh nôkố, kong pơlê Sóc Trăng hiăng ƀă dế tơbleăng hên tơdroăng pêi pro, tơdroăng tơkêa bro veăng ‘no hnoăng mơnhông mơdêk cheăng kâ - rêh ối dêi kong pơlê, tơdroăng tơkêa bro ki kal veăng mơnhông cheăng kâ - rêh ối dêi kong pơlê, tung mê, ai mâu tơdroăng tơkêa bro tơdjâk kân troh mơnhông cheăng kâ - rêh ối, tiô tối hdrối hơnăm 2025 kô châ xúa, mê cho: Tơdroăng tơkêa bro Troăng kân tơdrăng lĕm Châu Đốc - Cần Thơ- Sóc Trăng; Tơdroăng tơkêa bro troăng kân xiăm vâ mơnhông cheăng kâ Peăng mâ hâi Lo peăng mâ Hâi lu; Troăng kân pá kĭng  I, Troăng kân pa kĭng II...

Ki mơnhông cheăng kâ tâng riân 3 hơnăm pơla hơnăm 2021-2023 châ 5,7% tung hơnăm. Pêi chiâk mơnhông tiô troăng tơƀrê lĕm ƀă ki pơxúa tung pê lo tơmeăm. Kơxô̆ báu pê lo, báu ki dâi lĕm châ lối 90%. Hên túa păn xi xŏng châ tơƀrê hiăng châ po rơdâ tung kong pơlê...

Tối tơbleăng a hâi pêi cheăng, pôa Trần Quang Phương púi vâ Đảng ƀô̆ ƀă mâu kăn ƀă mâu kuăn pơlê tung kong pơlê Sóc Trăng pơtối rak ki tơrŭm môi tuăn, mơ-eăm tơkâ luâ tơdroăng pá pơloăng mơnúa vâ pê klêi mâu pơkâ a hneăng hôp Kân Đảng rôh má 13 ƀă hneăng Hôp kân Đảng ƀô̆ kong pơlê rôh má 14 hiăng pơkâ.