Troh nôkố, Tơdroăng Luât ‘mâi hơ’lêh Luât pêi cheăng séa ngăn dêi Kuô̆k hô̆i ƀă Hô̆i đong kuăn pơlê tơ’nôm 51 tơdroăng/91 tơdroăng tâng vâ pơchông ƀă Luât nôkố châ vâ chê 60%. Pôa Trần Quang Phương, Phŏ kăn xiâm hnê ngăn Kuô̆k hô̆i ăm ‘nâi rôh hôp má 9 la ngiâ, Kuô̆k hô̆i kô séa ngăn tơdroăng ‘mâi hơ’lêh, tơ’nôm Luât, Luât Tơkŭm cheăng mâu kăn kong pơlê ƀă hên tơdroăng tơkêa Luât ki ê, tung mê, ai hên tơdroăng ki tơdjâk troh luât pêi cheăng séa ngăn dêi Kuô̆k hô̆i ƀă Hô̆i đong kuăn pơlê, pơkâ pơtối tăng ‘nâi plĕng tâi tâng ƀă tơdroăng tơkêa Luât.

Pôa Trần Quang Phương, Phŏ kăn xiâm hnê ngăn Kuô̆k hô̆i tối nhên, thế tối nhên troăng hơlâ pơ’lêh nếo tuăn tơmiêt, pơ’lêh tơdroăng mơjiâng luât, vâ pro tơniăn luât tăng mâu tơdroăng tơvâ tơvân ki pêi pro tung mâu  tơdroăng séa ngăn. Kal pơtối tăng ‘nâi plĕng vâ mơjiâng luât ‘nung ‘nâi pơtroh ăm Kuô̆k hô̆i hnê tối a rôh hôp má 9.