Teăng mâ Kăn hnê ngăn Đảng, Tơnêi têa, Phŏ Kăn xiâm hnê ngăn Kuô̆k hô̆i Trần Quang Phương tơpui tơno, hơlêm mâu kăn ƀô̆ kŏng đoân, đoân viên, kŏng nhân pêi cheăng, malối cho mâu đoân viên, mơngế pêi cheăng ki kơtiê, trâm xía vâ tung pêi cheăng, châi tamo ki pá pơlât oh tá kâi prêi, mâu ngế kơtiê xơpá tung pơlê pơla.

Phŏ Kăn xiâm hnê ngăn Kuô̆k hô̆i ƀă mâu kăn hiăng diâp 300 kơxu tơmeăm Têt ăm mâu đoân viên, mơngế pêi cheăng ki kơtiê xơpá. Phŏ Kăn xiâm hnê ngăn Kuô̆k hô̆i pơkâ thế râ ủy, mâu kăn rêm râ tơkŭm mơnhông cheăng kâ, mơnhông cheăng lêng, kring tơniăn rơtế ƀă mơnhông tơdroăng rêh ối tơmeăm khoăng, hơlêm tuăn ngoâ kuăn pơlê mâu hdroâng kuăn ngo tung kong pơlê, pêi pro tro tâ nếo luât pơkâ tơniăn lĕm tung rêh ối, xăm kơtiê krá tơniăn.

Tơdrêng amê, Khu lăm pêi cheăng troh lăm pôu, hbru tơmeăm ăm mâu mố đŏi, mâu lêng Đông gak tơkăng kong Ia Rơvê, Khu kăn cheăng kâ  dêi Lêng kơkăng kong 737, kăn ƀô̆, krâ pơlê ƀă rơpŏng ai hnoăng tơnêi têa, rơpŏng kơtiê, hok tro ki kơtiê xơpá tung tơring tơkăng kong Ea Sup.