Pôa Ishiba Shigeru - Ngế pro xiâm hnê ngăn kong têa Nhuk koh hâk kơ pôa Trần Thanh Mẫn - Kăn xiâm hnê ngăn Kuô̆k hô̆i lăm pôu khât kong têa Nhuk; ăm ‘nâi pơtối achê kố tung mâu rôh Hôp tơpui hên tơdroăng hiăng ai rôh tơpui ƀă pôa Lương Cường - Kăn xiâm hnê ngăn tơnêi têa ƀă pôa Phạm Minh Chính - Ngế pro xiâm hnê ngăn Chin phuh, tối tiah kố tơrŭm cheăng pơla péa tơnêi têa tơniăn lĕm ƀă hlo tơrŭm krá pơla mâu kăn péa pâ.

Pôa Trần Thanh Mẫn  - Kăn xiâm hnê ngăn Kuô̆k hô̆i pơkâ thế Nhuk pơtối veăng kơjo kum Việt Nam tung tơdroăng pơhlêh cheăng ƀă kơmăi kơmok - tiô túa nếo; mơnhông, po rơdâ tơrŭm ‘no liăn mơjiâng pro mâu tơmeăm khoăng, on tơhrik krúa, on tơhrik ‘mâi pro, pêi chiâk deăng ki tơƀrê lĕm, pơ’lêh ngiêt, pơ’lêh kơxô̆, Tíu xiâm ‘măn rak tơdroăng chêh, chíp bán dẫn vâ hrip xup xo tơdroăng chêh...

Mâu kơvâ cheăng ki Nhuk ai tơmeăm hên rơdêi; Nhuk kơjo kum  Việt Nam veăng mơjiâng pro chất bán bẫn cho kế vâ hrik xup xo mâu tơdroăng chêh tung lâp plâi tơnêi. A rôh hôp tơpui tơno, péa pâ vâ môi tuăn mơdêk tơrŭm hnê mơngế pêi cheăng rơkê ing tơdroăng mơdêk tơrŭm cheăng pêi, hnê mơngế pêi cheăng tơƀrê, trâm tơpui ƀă kuăn pơlê.