Xông tơpui mơgêi roh pêi cheăng, pôa Trần Thanh Mẫn, Kăn xiâm hnê ngăn Kuô̆k hô̆i tối, Hải Phòng ai hên ki tơ’lêi hlâu, Tơnêi têa hiăng tơbleăng hên troăng pơkâ pêi, troăng hơlâ ki kal vâ pro xiâm kối ăm tơdroăng mơnhông mơdêk dêi pơlê kong kân tung hneăng la ngiâ.

Kheăn kơdeăn mâu tơdroăng châ tơƀrê ki Pơlê kong kân Hải Phòng hiăng châ tung tơdroăng pêi pro Pơkâ 35, ki má môi cho tơ’nôm mơ’no hrê ing kơxô̆ liăn ‘mot mơ’no tung hơnăm dêi pơlê kong kân, xing xoăng râ pơkuâ pơkâ pêi mơdêk xo hnoăng liăn ăm kăn ƀô̆, kŏng chưk, Kăn xiâm hnê ngăn Kuô̆k hô̆i tối ăm ‘nâi, tơdroăng ki kố mơnhên ăm mâu pơkâ dêi Đảng, Kuô̆k hô̆i, Chin phuh cho tro.

Tung la ngiâ, pôa Trần Thanh Mẫn, Kăn xiâm hnê ngăn Kuô̆k hô̆i tối Pơlê kong kân Hải Phòng kal séa ngăn nhên mâu troăng pơkâ pêi, troăng hơlâ hiăng ai tung Pơkâ kơxô̆ 35 vâ ‘mâi rơnêu, tơ’nôm môi tiah vâ mơnhông tâ mê thế ai tơdroăng pêi ki xiâm vâ xông tơtêk.