Xông tơpui hnê mơhno a roh hôp, pôa Trần Thanh Mẫn tối ăm ‘nâi, hơnăm 2024, mơhé tơnêi têa ối hên pá puât, ki rơhêng vâ tối cho tơdjâk dêi kong mêi kân khía mơhot roh má 3 pro, laga tơtêk GDP xuân châ dâng 7%, 15/15 túa pêi xua Kuô̆k hô̆i pơkâ, tơdroăng kum rêh ối pơlê pơla châ tơniăn.

Tung hơnăm 2025 ai hên tơdroăng ki kal dêi tơnêi têa, Kăn xiâm hnê ngăn Kuô̆k hô̆i pơkâ mâu kơ koan dêi Kuô̆k hô̆i, Ƀơrô Kuô̆k hô̆i, mâu kơ koan ối tung Vi ƀan pơkuâ Kuô̆k hô̆i ôh tá môi tuăn ƀă mâu tơdroăng châ tơƀrê hiăng châ mê kal thế mơ-eăm hên tâ mê nếo vâ tah lôi mâu tơdroăng ki pá, ối tơvâ tơvân. Ki rơhêng vâ tối tơdroăng pêi pro Pơkâ 18 dêi Tơnêi têa ‘na rah xo bro lế lĕm tro khu râ kăn pêi cheăng kal châ pêi pro kơtăng.