Xông tơpui a roh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối rơdêi, kố cho roh hôp roh má 2, Khu pơkuâ Đảng ủy Kuô̆k hô̆i tơpui ‘na 2 tơdroăng xiâm kố. Pơtối mê, mâu tơdroăng xiâm, hiăng châ pro châ mơnhên khât nôkố, mơnhên kô tơkŭm djâ tung tơdroăng tơkêa bro. Kăn xiâm hnê ngăn Kuô̆k hô̆i tối ăm ‘nâi, tiô pơkâ dêi Khu xiâm kal kí, hâi khế má mơ’nui pơtroh a Ƀơrô Tơnêi têa cho thâ, vâ rĕng tơbleăng Khu xiâm kal kí tơpui hnê mơhno ahdrối tơbleăng Hneăng hôp Tơnêi têa 11 tiô tối hdrối sap apoăng khế 4/2025.

Ki rơhêng vâ tối, tơdroăng ki phá tơ-ê, tơdroăng ki xiâm cho tơdjâk kân kal khât, kơxô̆ tơdroăng cheăng kâ, tơdjâk troh hnoăng cheăng dêi hên kơ koan, tơkŭm po ƀă troăng hơlâ rah xo bro lế lĕm tro khu râ kăn pêi cheăng dêi khu cheăng kal kí.