A rôh  tơdah, Kăn hnê ngăn Grup Tokyu hiăng tối mâu tơdroăng ƀă Kăn xiâm hnê ngăn Kuô̆k hô̆i ‘na tơdroăng hiăng klêi pêi tung tơdroăng tơrŭm cheăng pơla Tokyu ƀă Becamex tung mơnhông tơmeăm khoăng kơphô̆ a Bình Dương; hlối mơnê kong pơlê Bình Dương đi đo tơmâng, veăng kum ƀă pro tơ’lêi hlâu ăm Grup tung tơrŭm cheăng, ‘no liăn mơjiâng pro tơmeăm khoăng a kong pơlê.

Khĕn kơdeăn ki mơnhông ƀă ki tâk rĕng dêi Việt Nam tung hơnăm hdrối. Kăn xiâm hnê ngăn Grup Tokyu púi vâ pơtối tơrŭm cheăng, hnê tối  túa pêi cheăng hiăng hlê tung 100 hơnăm hdrối nah ‘na mơnhông kơphô̆, vâ mơjiâng Bình Dương chiâng kơphô̆ ngiât, rơkê plĕng ƀă tơxâng rêh ối. ƀă 50 hơnăm pêi cheăng tung kơvâ mơnhông kơphô̆, Kăn xiâm hnê ngăn Hô̆i đong Kuan trĭ Grup Tokyu púi vâ tối ‘na tơdroăng ki tơná hlê tung pêi cheăng ƀă dêi Grup vâ po rơdâ mâu tơdroăng ‘no liăn cheăng tung kơvâ mơjiâng tơmeăm khoăng tung kơphô̆ a Việt Nam tối tơdjuôm ƀă kong pơlê Bình Dương tối krê.