Kăn xiâm hnê ngăn Kuô̆k hô̆i mơnê Chin phuh Nhuk hiăng đi đo tŏng gum pơlê pơla lối 600 rơpâu ngế Việt Nam dế rêh ối, hriâm tâp, pêi cheăng a kong têa Nhuk; mơnhên, kố cho kông tơdjêp ki kal ăm tơrŭm cheăng nhŏng o Việt Nam – Nhuk.

Tung la ngiâ, pôa Trần Thanh Mẫn, Kăn xiâm hnê ngăn Kuô̆k hô̆i pói vâ, péa tơnêi têa pơtối mơdêk tơrŭm cheăng ton xŏn tâi tâng châ tơƀrê ƀă păng ‘nâng tâ; thăm tơpui tơno râ kăn xiâm ƀă mâu râ tung Đảng, Tơnêi têa ƀă Kuô̆k hô̆i, trâm mâ tơpui tơno pơla mâu khu râ péa tơnêi têa, ki má lối cho pơla Khu tơrŭm nhŏng o Nhuk – Việt Nam ƀă Khu Kăn Kuô̆k hô̆i râ má môi Việt Nam – Nhuk; mơdêk ó rơdêi tơrŭm cheăng mơhno khôi túa lĕm tro, ôm hyô ƀă trâm mâ kuăn pơlê pơla péa tơnêi têa.