Pôa Trần Thanh Mẫn Kăn xiâm hnê ngăn Kuô̆k hô̆i loi khât ing hnoăng pơkuâ rơkê plĕng, teăm tơdrêng dêi Đảng, ing tơdroăng veăng séa ngăn ai tơƀrê dêi Kuô̆k hô̆i ƀă veăng hnê mơhno, pơkuâ kơtăng dêi Chin phuh tơnêi têa ƀă kuăn pơlê Lếo kô tơkâ luâ tơdroăng pá, pêi tơƀrê tơdroăng Pơkâ Hneăng hôp má 11 ƀă tơkŭm klêi tơniăn Hneăng hôp Đảng rêm râ, troh hneăng hôp Đảng tung lâp  tơnêi têa rôh má 12 a hơnăm 2026.

Pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế Kuô̆k hô̆i péa tơnêi têa pơtối tơrŭm krá, rơtế séa ngăn pêi tơƀrê tơdroăng tơbleăng pêi Tơhrâ râ kăn; mơdêk tơpui tơno dêi khu, tơdroăng nếo ai, túa pêi cheăng tung kơvâ cheăng, pro rế lĕm  mơngế pêi cheăng ăm mâu kơ koan Kuô̆k hô̆i, pêi cheăng mơjiâng luât, tơkŭm mâu kăn lăm séa ngăn ƀă tăng ngăn tơdjuôm, hnê tối dêi Chin phuh, mâu khu xiâm, kơvâ cheăng, kong pơlê ƀă khu mơdró tơbleăng pêi tro tối tơbleăng tơdjuôm Việt Nam - Lếo.