Kong măng lơ 23/10, a Hngêi Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hiăng pơkuâ po leh tơdah păng ‘nâng Kăn xiâm hnê ngăn Kuô̆k hô̆i râ má péa Malaysia. Klêi kơ’nâi leh tơdah, péa pâ hiăng tơpui tơno.

Vâ thăm mơdêk tâ nếo tơrŭm cheăng tung la ngiâ pơla péa tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i pơkâ thế peăng Malaysia pơtối mơdêk pơtroh mâu khu râ kăn ƀă rêm râ, tơbleăng tơƀrê mâu troăng hơlâ tŏng gum, tơdroăng tơkêa tơrŭm cheăng dế ai nôkố, veăng gum ‘mâi mơnhông tuăn loi tung la ngiâ pơla péa tơnêi têa.

Péa pâ rĕng ăm kơxô̆ liăn pêi lo ing tê mơdró pơla péa pâ châ 18 rơtal dollars Mih tiô troăng tơdâng tơ’mô; pro tơ’lêi hlâu ăm tơdroăng ki tê, roê tơmeăm ƀă kơdroh tơdroăng ki pro pá ăm tơdroăng tê mơdró.