Pôa Trần Thanh Mẫn, Kăn xiâm hnê ngăn Kuô̆k hô̆i tơpui tơno ƀă pôa Lý Cường, Kăn xiâm hnê ngăn kong têa Sinuâ
Thứ hai, 11:00, 14/10/2024
Tơplôu: Gương/VOV
Tơplôu: Gương/VOV
VOV4.Xơ Đăng - Kơhâi dế lơ 13/10, a Hngêi hôp Kuô̆k hô̆i, pôa Trần Thanh Mẫn, Kăn xiâm hnê ngăn Kuô̆k hô̆i hôp tơpui ƀă pôa Lý Cường, Ngế pro xiâm hnê ngăn kong têa Sinuâ dế pơkuâ djâ khu kăn xiâm Sinuâ lăm pôu Việt Nam.
Pôa Trần Thanh Mẫn tối Việt Nam môi tuăn mơ-eăm mơnhông tơrŭm péa pâ ƀă Sinuâ, ngăn mê cho troăng hơlâ ki tro, pơtâ thế pêi, rah troăng rơlâ vâ pêi ahdrối tung tơdroăng tơpui kâ tơniăn pơkuâ dêi, hơniâp lĕm, tơrŭm tơrôa ƀă mơnhông, hên troăng hơlâ cheăng, hên túa tơrŭm cheăng tơpui kâ dêi Việt Nam.
‘Na tơrŭm cheăng, Kuô̆k hô̆i Việt Nam ƀă Kuô̆k hô̆i Sinuâ pơtối rak hnoăng cheăng tro luât ƀă séa ngăn tung tơdroăng mơnhông tơrŭm cheăng péa tơnêi têa, mơnhông tơpui tơno ‘na túa cheăng ‘na mơhno luât, mơjiâng Tơnêi têa tro tiô luât xah hô̆i chuh ngiah ai Đảng pơkuâ hnê mơhno.
Viết bình luận