Kăn xiâm hnê ngăn Kuô̆k hô̆i tối nhên, Đảng, Tơnêi têa tơmâng khât troh mơngế Việt Nam a kong têa ê. Mơngế Việt Nam tung lâp plâi tơnêi tối tơdjuôm ƀă Senegal tối krê ôh tá chiâng tơklâ ing khu  tơrŭm tâi tâng hdroâng mơngế dêi tơnêi têa Việt Nam - Tơnêi têa hiăng ai tơdroăng hmâ pêi pro sap ing nah ‘na tơrŭm dêi rơpó hiăng châ ƀlêi trâng tung mâu rôh tơplâ bro tơleăng lĕm kuăn ngo, xuân môi tiah tung tơdroăng mơjiâng kring vế tơnêi têa nôkố.

Teăng mâ Kăn xiâm Đảng, Tơnêi têa, Khu kăn xiâm tơnêi têa pin, kăn hnê ngăn Kuô̆k hô̆i Trần Tranh Mẫn potroh rơkong rơkâu  ăm tâi tâng kuăn pơlê mơngế Việt Nam a Senegal tơkâ luâ xơpá pơloăng mơnúa vâ tơniăn tung rêh ối.  Pakĭng mê, mơnê Kuô̆k hô̆i, Chin phuh Senegal hiăng veăng gum kuăn pơlê mơngế Việt Nam  pơla hdrối kô hía nah ƀă púi vâ kô pơtối châ tŏng gum dêi rơpó mơngế Việt Nam ki dế rêh ối a Senegal tơniăn tung rêh ối ƀă ai hên hnoăng veăng ‘no dêi tơnêi têa pin.