Tơpui a rôh leh, Kăn xiâm hnê ngăn Kuô̆k hô̆i tối ƀriê tơbâ troh pôa Lê Duẩn, kăn xiâm pơkuâ hnê ngăn Đảng hneăng hdrối, kăn pơkuâ ki rơkê, ngế ki rơkê khât tung tơdroăng cheăng kăch măng dêi Hồ Chí Minh. Tơdrêng amê hlối tối nhên, pôa Lê Duẩn ôh ti xê to kăn pơkuâ tơdroăng kal kí – khu lêng ki rơkê má môi mê ối cho ngế ki lĭ luâ̆n kân ƀă túa tơmiât rơkê plĕng, veăng gum mơjiâng hiâm mơno kăch măng Việt Nam.

Tung tơdroăng ki hâk tơngăm tơnêi têa tơmiât troh 50 hơnăm Hâi Tơleăng peăng Hdroh, pro tơnêi têa tơrŭm chiâng môi, pôa Trần Thanh Mẫn, Kăn xiâm hnê ngăn Kuô̆k hô̆i ƀă Khu kăn ki pêi dêi hnoăng cheăng hiăng chôu nhăng tơbâ mâu ngoh khên tơnôu ki hiăng hlâ a Pơlê kong kân ton nah Quảng Trị. Pơtối mê khu kố hiăng pôu mâu rơpŏng ki châ tơnêi têa gum a cheăm Hải Thượng, tơring Hải Lăng .