VOV4.Xơ Đăng - Kơxê lơ 9/5, pôa Trần Thanh Mẫn, Ngế cheăng tung tíu xiâm tơdroăng kal kí, kăn xiâm phŏ hnê ngăn má môi Kuô̆k hô̆i troh a tíu cheăng kăn teăng mâ Cuba a Hà Nội pôu ngăn pôa Ricardo Alarcon de Quesada, ngế cheăng tung khu xiâm pơkuâ tơdroăng kal kí, kăn xiâm hnê ngăn Kuô̆k hô̆i Khu kăn pơkuâ Kuăn pơlê tơnêi têa Kŏng hòa Cuba hneăng hdrối hlâ a hâi lơ 30/4/2022.

Pôa Trần Thanh Mẫn, kăn xiâm phŏ hnê ngăn Kuô̆k hô̆i ƀriê tung hiâm mơno drêng chêh tung hlá mơ-éa hlâ.

Teăng mâ kăn pơkuâ Đảng, Tơnêi têa, Kuô̆k hô̆i ƀă kuăn pơlê Việt Nam, pôa Trần Thanh Mẫn chêh tung hlá mơ-éa hlâ, ‘măn hơvĭng reăng kơ pôa Ricardo Alarcon de Quesada; ƀriê, tơdroăng ki pâ nhuô̆m ‘na tơdroăng ki hlâ lêk hlông hlối dêi pôa Ricardo Alarcon de Quesada. Pôa Ricardo Alarcon de Quesada cho ngế kăn pơkuâ ai hiâm mơno lĕm ƀă Việt Nam, ai hên tơdroăng ki veăng kum tung tơdroăng ki ‘mâi mơnhông, mơdêk ƀă po rơdâ tơrŭm cheăng nhŏng o, tơrŭm cheăng tơviah, loi tơngah dêi rơpó pơla Việt Nam ƀă Cuba.

Nga tơplôu ƀă tơbleăng