Kơxo hâi lơ 13/3, tơbleăng hlá mơ-éa chêh tơdroăng hiăng lăm séa ngăn ƀă Khu kăn Đảng kong pơlê ‘na tơdroăng pro rế lĕm mơngế pêi cheăng ăm tơnêi têa; tơdroăng hbrâ Hôp Đảng ƀô̆ rêm râ ƀă troh Hneăng hôp mâu kăn tung lâp tơnêi têa rôh má 14 dêi Đảng; Tơdroăng tơkêa tơ’nôm ‘na mơnhông cheăng kâ - rêh ối hơnăm 2025 ƀă pơkâ tâk châ 8% tơngi klêng...

Klêi tơmâng tơbleăng tơdroăng séa ngăn ƀă khu kăn pơkuâ hnê ngăn Đảng kong pơlê Bình Định, mâu tơdroăng hnê tối dêi khu kăn kong pơlê Bình Định, tơbleăng mơgêi rôh apoăng a rôh pêi cheăng, pôa Trần Thanh Mẫn,  Kăn xiâm xiâm hnê ngăn Kuô̆k hô̆i ăm ‘nâi, mâu kăn séa ngăn tơmâng xo tŭm tơdroăng hnê tối vâ pro klêi hlá mơ-éa tơbleăng, ƀă pơkâ pêi tâk châ 8%, Kăn xiâm xiâm hnê ngăn Kuô̆k hô̆i kong pơlê Bình Định Khê̆n kơdeăn kong pơlê mơ-eăm pêi châ luâ tơdroăng pơcháu.

Kăn xiâm xiâm hnê ngăn Kuô̆k hô̆i tối pơchân, Bình Định thế pêi pro tro tiô troăng hơlâ dêi Đảng, luât tơnêi têa tung tơdroăng rah iâ tê mơngế pêi cheăng pro rế lĕm mơngế pêi cheăng ăm tơnêi têa, pêi tro tơdroăng hnê mơhno 35, tâng tơvâ tơvân, pâ hnê tối ăm mâu kơ koan khu râ pơkuâ cheăng; hlối po ngăn tơdroăng ƀă Khu xiâm ngăn cheăng pêi vâ hbrâ tơbleăng pêi pro; tơdroăng pơkuâ cheăng kâ - rêh ói thế tro tiô tơdroăng nôkố tung lâp plâi tơnêi xuân môi tiah tung tơnêi têa vâ tơtro ƀă tơdroăng rêh ối nôkố.