VOV4.Xơ Đăng - Kơxê lơ 6/5, a Hngêi Kuô̆k hô̆i, Vi ƀan tơpui kâ ƀă kong têa ê tơrŭm ƀă Khu pêi cheăng kăn teăng mâ ối tung Vi ƀan pơkuâ Kuô̆k hô̆i, Ƀơrô Kuô̆k hô̆i, Khu tơrŭm cheăng Kuô̆k hô̆i Việt Nam ƀă Kơ koan teăng mâ Hàn Quốc a Việt Nam tơkŭm po Leh diâp Mê dái Quang Hoa dêi Chin phuh Hàn Quốc diâp ăm pôa Trần Văn Túy, Kăn pơkuâ Khu pêi cheăng kăn teăng mâ, Kăn hnê ngăn Khu Kuô̆k hô̆i Việt Nam – Hàn Quốc.

Pôa Trần Thanh Mẫn veăng leh diâp Mê dái Quang Hoa dêi Chin phuh Hàn Quốc 

Pôa Trần Thanh Mẫn, Kăn cheăng tung Khu xiâm kal kí, Kăn xiâm phŏ hnê ngăn Khu hnê mơhno má môi Kuô̆k hô̆i mơnê Kuô̆k hô̆i ƀă Chin phuh Hàn Quốc hiăng mơnhên mâu tơdroăng mơ-eăm thăm tơrŭm pơla péa khu kăn Kuô̆k hô̆i râ má môi péa tơnêi têa; tơdrêng amê, mơnê tơdroăng ki loi tơngah, tơdroăng tuăn pâ dêi pó, tơrŭm krá tơniăn ƀă châ tơƀrê dêi Khu kăn Kuô̆k hô̆i râ má môi Hàn Quốc – Việt Nam ƀă Khu Kăn Kuô̆k hô̆i râ má môi Việt Nam – Hàn Quốc.

A Sa Ly tơplôu [ă tơbleăng