Bình Dương cho tung top má môi dêi lâp tơnêi têa ‘na ki tơ’mot kơxô̆ liăn kong têa ê  ‘no pêi cheăng vâ chê 4 rơpâu 200 tơdroăng tơkêa bro, kơxô̆ liăn chêh inâi vâ cheăng lối 40 rơtal  dollars; ai dêng 65 rơpâu khu mơdró tung tơnêi têa ƀă tâi tâng kơxô̆ liăn chêh inâi vâ chê 29,5 rơtal dollars. Kơxô̆ liăn pê lo riân rêm ko mơngế dêi kong pơlê xuân hên má môi.

Nôkố, Bình Dương dế pơkâ troăng mơnhông cheăng ƀă kơmăi kơmok tiô túa nếo, rơkê plĕng, hmâ ƀă hyôh kong prâi ngăn a pái tơdroăng ki xiâm, mê cho: Mâu kăn pơxiâm pêi cheăng - Kuăn pơlê rơtế pêi ƀă Khu mơdró rơtế ƀă há. Tơbleăng a hâi pêi cheăng, pôa Trần Tuấn Anh, Ngế kăn ngăn cheăng kâ xiâm tơnêi têa khĕn kơdeăn mâu hnoăng hiăng pêi châ tơƀrê ‘na mơnhông cheăng kâ dêi Bình Dương, cho tíu ki eăng bâ dêi tung lâp tơnêi têa ‘na mơnhông cheăng kâ tiô troăng rơhlâ xah hô̆i chuh ngiah.  

Mâu hnoăng veăng ‘no pêi ki kân dêi Bình Dương hiăng ai hnoăng veăng ‘no ôh tá kŭn veăng pê klêi ‘na tơdroăng tơpui kâ ƀă ki ai khât ‘na mơnhông cheăng kâ tiô troăng rơhlâ  xah hô̆i chuh ngiah dêi tơnêi têa pin tung 40 hơnăm hdrối.