Tiô Kăn xiâm pơkuâ kong têa Kazakhstan tối, pôa hiăng mơdoh chôu  vâ tăng ‘nâi plĕng túa lem tro Việt Nam ƀă châ ’nâi mâu tơmeăm pro ƀă tơnêi hneăng mê hiăng ai sap ing hrĭng hơnăm hdrối, mơhno mâu túa vêa vong ki lem tơviah, tối tơdroăng rêh ối  cheăng kâ xuân môi tiah ki pơxúa lĕm tro dêi mơngế Việt Nam.

Pôa Võ Văn Thưởng ƀă Kăn xiâm pơkuâ kong têa Kazakhstan xuân tăng ‘nâi plĕng pơlê pêi cheăng pro tơmeăm ton nah ki vâi ô ăng a tơnêi Peăng kơnhó ing tơdroăng mơnúa pêi, meăn tơmeăm ƀă tơnêi hneăng, mơhno ki púi vâ dêi kong pơlê ƀă mâu nghệ nhân kô pơtối mơ-eăm pêi kơhnâ tâ nếo, rak tơdroăng cheăng ki pơxúa ki pơlê dế pêi ai xua tơmeăm meăn ƀă tơnêi hneăn Chu Đậu xuan cho vâ pơtih  dêi mâu ngê̆ thuât tơmeăm meăn pro ƀă tơnêi hneăng dêi Việt Nam, pơti dêi túa vêa vong rơkê plĕng dêi kơpong tơbăng kroăng Hồng.