Tối rơdêi, kơpong Tây Nguyên ai tíu pêi cheăng ton xŏn, cho toăng hngêi Đông Dương, Kăn hnê ngăn tơnêi têa pơkâ thế Ƀinh đoân 15 pơtối hlê plĕng pêi pro trâu hơngế troăng tơmiât, troăng pêi cheăng lêng dêi Đảng, Kuân ủy Tơnêi têa, Khu xiâm pơkuâ lêng, ‘nâi krá troăng pêi ton xŏn gâk kring Tơnêi têa tung rơxông nếo, Pơkâ dêi Khu xiâm kal kí ‘na troăng mơnhông mơdêk cheăng kâ – rêh ối pơlê pơla ƀă tơniăn cheăng lêng, gâk kring kơpong Tây Nguyên troh hơnăm 2030, tơmiât pêi troh hơnăm 2045.

Kăn xiâm hnê ngăn tơnêi têa xuân pơchân tối Ƀinh đoân 15  kal thăm ‘nâi tơdroăng, hriăn plĕng tối hdrối; hbrâ tối tơbleăng ƀă Kuân ủy tơnêi têa, Khu xiâm pơkuâ lêng vâ ai hnê mơhno teăm tơdrêng, ôh tá ăm ai tơdroăng ki ôh tá tro ‘na cheăng lêng; pêi pro lĕm tro troăng gâk kring Tơnêi têa sap ing rĕng, ing hơngế, rak tơnêi têa sap ing ối tơniăn lĕm.