Kăn xiâm hnê găn tơnêi têa pơkâ Bình Phước pơtối hlê plĕng pêi pro mâu pơkâ dêi Đảng ‘na cheăng lêng, gâk kring, tơpui kâ ƀă kong têa ê, ƀă hlối mơnhông cheăng kâ – rêh ối pơlê; ki nhên ƀă mâu pơkâ pêi, tơdroăng pêi cheăng, troăng pêi tơtro vâ gâk kring vế krá tơniăn hnoăng pơkuâ, tơnêi tơníu, rak tơniăn tơnêi têa, tơniăn pơlê pơla.

Kăn xiâm hnê ngăn tơnêi têa tối nhên, kong pơlê kal pêi pro lĕm tro Pơkâ 27 ‘na mơjiâng ƀă pêi kêi đeăng Tơnêi têa tiô luât xah hô̆i chuh ngiah Việt Nam ƀă tơdroăng nôkố dêi kong pơlê. Tơtrŏng tơkŭm pêi pro luât kơtăng, môi tuăn sap apoăng troh tá tui lui; tơniăn nhuô̆m luât. Mơdêk ‘mâi rơnêu luât, tơniăn krê dêi hngêi tơleăng tiô hnoăng chiâng tơleăng, ngế tơleăng, khu ki tơleăng tơniăn krê ƀă bu tiô luât.

Tơkŭm mơdêk ivá pơkuâ ƀă ivá tơplâ dêi mâu khu râ kăn pơkuâ hnê ngăn cheăng Đảng, khu pơkuâ cheăng Đảng, mơjiâng khu cheăng krúa lĕm, ó rơdêi...