Pôa Ukhnaagiin Khurelsukh, Kăn xiâm pơkuâ kong têa Mông Cổ ƀă kơdrâi pôa lăm pôu râ kăn xiâm tơnêi têa Việt Nam sap hâi lơ 1/11 troh hâi lơ 5/11, tiô rơkong krếo thế dêi Kăn xiâm hnê ngăn tơnêi têa Việt Nam, Kăn xiâm pơkuâ kong têa Mông Cổ tối kô ai hên tơdroăng  pêi pro, mê cho: ‘măn hơvĭng reăng a Hngêi ‘măn poăng Pôa Hồ Chí Minh - Kăn xiâm hnê ngăn tơnêi têa ki apoăng, a Tíu meăn chêh inâi mâu ngế hlâ tơplâ khên tơnôu, lăm pôu Khu xiâm pơkuâ Kăn sát Cơ động, lăm veăng ôu kâ, veăng hôp tơpui ƀă Khu mơdró Việt Nam - Mông Cổ.

Pôa Ukhnaagiin Khurelsukh, Kăn xiâm pơkuâ kong têa Mông Cổ  kô ai rôh trâm tơpui tơno ƀă mâu kăn xiâm dêi Việt Nam.