Pôa Võ Văn Thưởng, Kăn xiâm hnê ngăn tơnêi têa pơkuâ po rôh tơdah kan krip kăn xiâm pơkuâ Kazakhstan
Thứ ba, 09:05, 22/08/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 21/8, a Tíu pêi cheăng Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa pơkuâ po leh tơdah kân krip pôa Kassym - Jomart Tokayev, kăn xiâm pơkuâ kong têa Kazakhstan pôu păng ‘nâng Việt Nam hâi lơ 20-22/8/2023.
Klêi kơ’nâi leh tơdah, péa ngế kăn pơkuâ hiăng tơpui tơno. Kố cho rôh lăm pôu Việt Nam ki apoăng dêi môi ngế kăn xiâm pơkuâ Kazakhstan tung 12 hơnăm hdrối. Việt Nam ƀă Kazakhstan mơjiâng tơrŭm cheăng tơpui kâ a hâi lơ 29/6/1992.
Hơnăm nah, péa tơnêi têa tơbâ 30 hơnăm mơjiâng tơrŭm cheăng. Sap ing Tơkêa tê mơdró tơniăn krê Viẹt Nam - Khu tơrŭm cheăng kâ châu Á – châu Âu (EAEU), tung mê cho mâu kong têa Armenia, Belarus, Kazakhstan, Rusi ƀă Kyrgyzstan xêt khât sap hơnăm 2016, kơxô̆ liăn châ xo ing tê mơdró pơla péa pâ Việt Nam – Kazakhstan tâk dâng 28% tung môi hơnăm.
Kơxô̆ liăn châ xo ing tê mơdró pơla péa pâ hơnăm 2022 châ vâ chê 600 rơtuh USD. Péa pâ châ pơkâ ăm kơxô̆ liăn pê lo ing tê mơdró tâk 1,5 rơtal USD a hơnăm 2030.
Viết bình luận