A ngiâ um tĭng pôa Hồ Chí Minh, Kăn xiâm hnê ngăn tơnêi têa hneăng hdrối, pôa Võ Văn Thưởng Kăn xiâm hnê ngăn tơnêi têa ƀă mâu kăn hiăng tu ko iâ phut hmái hơtĭng vâ mơhno tuăn mơno pâ nhoăm kơ ngế kăn ki rơkê, Ngế Thái ki rơkê dêi kăch măng Việt Nam, plâ rơxông pleăng hnoăng tơná tơniăn lĕm hdroâng mơngế, lâp tơnêi têa tơrŭm môi, tơniăn, hơniâp ro dêi kuăn pơlê.

Hơkôp Nà Nưa a thôn Tân Lâp, cheăm Tân Trào, tơring Sơn Dương , tíu Pôa Hồ hiăng ối, pêi cheăng sap mơ’nui khế 5  troh hâi lơ 22/8/1945 vâ pơkuâ hneăng xông pơplâ Khế 8 châ ƀlêi trâng tơbriât pơkuâ tung lâp tơnêi têa, vâ troh 2/9/1945, pôa Hồ Chí Minh Kăn xiâm hnê ngăn tơnêi têa hneăng hdrối Pơchuât hlá mơ-éa tơniăn krê, pơxiâm mơjiâng tơnêi Việt Nam Yân Chuh Kŏng hoa.

Pơtối mê, pôa Võ Văn Thưởng - Kăn xiâm hnê ngăn tơnêi têa ƀă khu kăn chôu nhang a Đình Tân Trào, cho tíu po Hneăng hôp kân Kuăn pơlê, cho xiâm dêi Hneăng hôp Kuô̆k hô̆i Việt Nam nôkố.