Pôa Võ Văn Thưởng, Kăn xiâm hnê ngăn tơnêi têa tơdah Kăn hnê ngăn Kuô̆k hô̆i râ má môi Nhuk
Thứ năm, 14:00, 07/09/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 6/9, a tíu pêi cheăng dêi Kăn xiâm hnê ngăn tơnêi têa, pôa Võ Văn Thưởng, Kăn xiâm hnê ngăn tơnêi têa tơdah pôa Otsuji Hidehisa, Kăn xiâm hnê ngăn Kuô̆k hô̆i râ má môi Nhuk dế pôu Việt Nam.
Pôa Võ Văn Thưởng tối phiu ro khât ‘na tơdroăng tơrŭm cheăng péa tơnêi têa tung mâu hơnăm hdrối ƀă rế loi nhoăm dêi rơpó, pro xiâm ki kal ăm mâu tơdroăng tơrŭm cheăng pơla péa pâ. Tung cheăng kâ, pôa Võ Văn Thưởng tối, Nhuk cho kong têa tơrŭm cheăng ki kal má môi dêi Việt Nam.
Ing tơdroăng tơrŭm cheăng 50 hơnăm hdrối, pôa Võ Văn Thưởng pơkâ thế péa tơnêi têa pơtối mơdêk tơrŭm cheăng tơpui kâ tơrá mâu kăn, tơpui vâ mơdêk tơrŭm péa tơnêi têa tung la ngiâ; pơtối mơdêk tơrŭm tung kơvâ cheăng kâ, tê mơdró, ‘no liăn hnê hriâm ƀă hnê mơjiâng tuăn ngôa rơkê, khoa hok kŏng ngê̆, túa lĕm tro.
Viết bình luận