A rôh tơdah, pôa Yerlan Baizhanov - Kăn teăng mâ tối tơdroăng ki pêi cheăng tơrŭm trâu hngế ‘na tơnêi têa ƀă kuăn mơngế Việt Nam; tơdrêng amê hlối ăm ‘nâi, tung hneăng cheăng, hiăng châ xo hên tơdroăng tŏng kum, tơrŭm tơƀrê sap ing Khu xiâm tơpui kâ ƀă mâu kơ koan tơrŭm cheăng dêi Việt Nam.

Kăn xiâm hnê ngăn tơnêi têa tối nhên, Việt Nam prế  Kazakhstan ai hên tơdroăng tơmiât bô bối dêi rơpó ‘na tơdroăng nah, mơhno túa lĕm tro; rơtế tơkâ luâ hên tơdroăng xơpá, xua tơdroăng cheăng tơplâ châ tơniăn krê dêi rêm tơnêi têa hdrối nah ƀă nôkố, péa tơnêi têa cho mâu ngế ki pú lĕm dêi rơpó.

Kăn xiâm hnê ngăn tơnêi têa tơngah ƀă ki hlê plĕng trâu hơngế ‘na mơhno túa lĕm tro, tơnêi têa, kuăn mơngế Việt Nam, tung hnoăng cheăng ki lâi, pôa Yerlan Baizhanov xuân ối pâ nhuô̆m Việt Nam, đi đo cho ngế pú hmâ, ôh tá la lâi pơtê veăng kum tơrŭm cheăng khôi hmâ pơla Việt Nam ƀă Kazakhstan.