A roh tơdah, pôa Võ Văn Thưởng kheăn kơdeăn hnoăng ƀă veăng kum dêi Kăn xiâm chêh tôm xo rơkong ƀă Khu lâp kong têa ăm hơniâp lĕm, tơniăn, gâk kring lâp plâi tơnêi, tơdrêng amê mơnhên Việt Nam đi đo hbrâ môi tuăn ƀă thăm veăng kum tung mâu tơdroăng mơ-eăm tơdjuôm mê.

Kăn xiâm hnê ngăn tơnêi têa mơnhên Việt Nam đi đo ngăn Khu lâp kong têa cho khu tơrŭm má môi xua hơniâp lĕm, tơrŭm, mơnhông mơdêk lâp plâi tơnêi ƀă ngế pú hmâ ki loi tơngah, môi hiâm mơno, rŭm dêi pó ton xŏn dêi Việt Nam tung rêm troăng prôk mơnhông tơnêi têa.

Kăn xiâm hnê ngăn tơnêi têa pơkâ thế Khu lâp kong têa tŏng kum Việt Nam pêi pro mâu tơkêa lâp plâi tơnêi, tung mê ai tơdroăng tơpui tơdjuôm dêi pin (OCA) xuân môi tiah tung tơdroăng pêi pro mâu pơkâ mơnhông mơdêk tơnêi têa.